Դոնալդ Թրամփն ու Իլհամ Ալիևը հեռախոսազրույց են ունեցել
Ադրբեջանական APA լրատվական գործակալության հաղորդմամբ՝ Ադրբեջանի նախագահ Իլհամ Ալիևը երեկ զանգահարել է ԱՄՆ նորընտիր նախագահ Դոնալդ Թրրամփին։
Հաղորդվում է, որ Ալիևը շնորհավորել է Թրամփին ԱՄՆ նախագահական ընտրություններում տարած հաղթանակի կապակցությամբ և նրան հաջողություններ մաղթել նախագահի պաշտոնում։
Ալիևն ընդգծել է, որ ԱՄՆ-ի ու Ադրբեջանի միջև երկկողմ հարաբերությունները հաջողությամբ զարգանում են տարբեր ոլորտներում, այդ թվում՝ քաղաքական, տնտեսական, անվտանգության, էներգետիկ անվտանգության։
Ալիևը նշել է, որ առկա է երկկողմ կապերի ամրապնդման մեծ պոտենցյալ։
Նշվում է, որ Թրամփը շնորհակալություն է հայտնել Ալիևին ցուցաբերած ուշադրության համար։
