Թուրք զինվորականներն ապաստան են խնդրել Գերմանիայից

Մի քանի թուրք զինծառայողներ, որոնք ծառայություն են անցնում Գերմանիայի Ռամշտայն քաղաքում տեղակայված ՆԱՏՕ-ի ավիաբազայում, քաղաքական ապաստան ստանալու հայտ են ներկայացնել։

Խնդրանքի համար հիմնավորում է դարձել, ըստ զինվորականների, երկրում հուլիսյան ձախողված հեղաշրջումից հետո ստեղծված քաղաքական վիճակը։
Ինչպես նշում է գերմանական SWR հեռուստաալիքը, Ռամշտայնում գտնվում է մոտ 40 թուրք զինվորական՝ իրենց ընտանիքներով։

Քաղաքական ապաստան ստանալու միջնորդություն ներկայացված զինծառայողների ճշգրիտ թիվը չի հաղորդվում։ Նրանց հայտարարությունները մոտ ժամանակներս քննարկման են դրվելու փախստականների և միգրացիայի հարցերով դաշնային գերատեսչությունում։