Լուիս Սուարեսը կարող է որակազրկվել վիրավորական ժեստի պատճառով
Ֆուտբոլի Ուրուգվայի ազգային թիմի հարձակվող Լուիս Սուարեսը կարող է որակազրկվել վիրավորական ժեստի պատճառով: Այս մասին գրում է AS-ը:
Դեպքը պատահել է աշխարհի առաջնության հարավամերիկյան գոտու ընտրական փուլի Չիլիի հետ հանդիպման ժամանակ: Խաղավարտին մոտ Սուարեսը վիրավորական շարժում է կատարել, որն ուղված է եղել չիլիացի երկրպագուներին: Խաղադաշտը լքելիս կատալոնական «Բարսելոնա»-ի հարձակվողը միջնամատ է ցույց տվել երկրպագուներին:
Այդ խաղում Ուրուգվայի հավաքականը 3:1 հաշվով զիջել էր Չիլիի թիմին:
