Ադրբեջանը 6%-ով կրճատել է ներմուծումը
Այս տարվա հունվար-հոկտեմբեր ամիսներին Ադրբեջանը 14 153 697,82 հազար դոլարի առևտրային գործարքներ է իրականացրել 174 երկրի հետ, հայտնում է ադրբեջանական Report կայքը՝ վկայակոչելով Ադրբեջանի Պետական մաքսային կոմիտեին։
Արտաքին առևտրաշրջանառությունը տարեկան հաշվարկով կրճատվել է 23.22%-ով։
Վերոնշյալ ժամանակահատվածում ներմուծումը կրճատվել է 6.64%-ով ու կազմել 6 957 998,81 հազար դոլար, արտահանումը՝ 34,48%-ով՝ մինչև 7 195 699,01 հազար դոլար։
Դրական սալդոն տարեկան արտահայտությամբ կրճատվել է 9.8 անգամ և կազմել 237 700.2 հազար դոլար։
