ԴԱԻՇ-ի զինյալները Մոսուլում 2 օրում ավելի քան 60 խաղաղ բնակչի մահապատժի են ենթարկել․ ՄԱԿ
ԴԱԻՇ ահաբեկչական խմբավորման զինյալները երկու օրում մահապատժի են ենթարկել ավելի քան 60 խաղաղ բնակչի, հայտնում է RIA Novosti-ն՝ վկայակոչելով ՄԱԿ-ի փախստականների հարցերով գրասենյակին։
Դրա տվյալով՝ երեքշաբթի օրը ԴԱԻՇ-ի ահաբեկիչները Մոսուլում սպանել են 40 խաղաղ բնակչի՝ Իրաքի անվտանգության ուժերին աջակցելու մեղադրանքով։
Նույն օրը՝ երեկոյան, 1 մարդ հրապարակավ կախաղան է հանվել այսպես կոչված «դատարանի» որոշմամբ՝ բջջային հեռախոսից օգտվելու համար, ասվում է ՄԱԿ-ի փախստականների հարցերով գրասենյակի հայտարարության մեջ։
Բացի այդ՝ նախօրեին ԴԱԻՇ-ի ահաբեկիչները Մոսուլի հյուսիսում սպանել են ևս 20 խաղաղ բնակչի ՝ «տեղեկություն փոխանցելու համար»։
Ահաբեկիչները հին քաղաքի փողոցներում տեղակայել են մահապարտի գոտիներով ահաբեկիչների։
