Սիրիան պատրաստ է համագործակցել Թրամփի հետ
Սիրիայի նախագահի խորհրդական Բուսեյնա Շաաբանը հայտարարել է, որ Դամասկոսը պատրաստ է համագործակցել ԱՄՆ-ի 45-րդ նախագահի հետ այն դեպքում, եթե նրա քաղաքականությունը արդարացնի հույսերը, հայտնում է RIA Novosti-ն։
«Դամասկոսը հույս ունի, որ ԱՄՆ-ը Թրամփի իշխանության շրջանում կդառնա ահաբեկչության դեմ պայքարի ակտիվ մասնակից։
Այն դեպքում, եթե Թրամփի քաղաքականությունը համընկնի մեր սպասումների հետ, Դամասկոսը բաց կլինի ԱՄՆ-ի և մյուս պետությունների հետ ցանկացած համագործակցության համար, որը հարգում է պետության ինքնիշխանությունը, հոգ է տանում սիրիացիների շահերի մասին և չի միջամտում նրանց գործերին»,- հայտարարել է նա։
Նշվում է, որ Շաաբանի հայտարարությունը դարձել է Սիրիայի կողմից ԱՄՆ նախագահական ընտրությունների մասին առաջին պաշտոնական ռեակցիան։
