Թրամփը խոստացել է պաշտպանել Հարավային Կորեան

ԱՄՆ նորընտիր նախագահ Դոնալդ Թրամփը Հարավային Կորեայի նախագահ Պակ Կին Հեի հետ հեռախոսազրույցում խոստացել է, որ Ամերիկան հետամուտ կլինի Հարավային Կորեան պաշտպանելու իր պարտավորությանը Հյուսիսային Կորեայի կողմից սպառնալիքի դեպքում։

Հեռախոսազրույցի մասին հայտարարել են Պակի Կին Հեի ադմինիստրացիայից։
Yonhap գործակալության հաղորդմամբ՝ Թրամփն ասել է, թե «100 տոկոսով համաձայն է կորեացի առաջնորդի հետ այն հարցում, թե երկու երկրների միջև կապերը պետք է զարգանան»։