«Հայաստանում ավելի բարդ կլինի, քան Դանիայում». Բեչիրայ
Չեռնոգորիայի ազգային հավաքականի հարձակվող Ֆաթոս Բեչիրայը Աշխարհի 2018թ. առաջնության ընտրական փուլի 4-րդ տուրի՝ Հայաստանի հետ հանդիպումից առաջ խոսել է առաջիկա խաղի մասին:
Ըստ Բեչիրայի՝ Հայաստանում չեռնոգորացիները ֆավորիտի կարգավիճակով չեն հանդես գալու: Բեչիրայը կարծում է, որ խմբում, առհասարակ, չկան ֆավորիտներ:
«Հայաստանի հետ խաղը բացառություն չէ, այստեղ ևս կլինեն շատ դժվարություններ: Հայաստանում ավելի բարդ կլինի, քան Դանիայում»,-նշել է Բեչիրայը:
Ըստ ֆուտբոլիստի՝ Հայաստանին հաղթելը մեծ նշանակություն ունի թիմի համար:
Վերլուծելով Հայաստանի հավաքականի խաղը՝ Բեչիրայը նշել է, որ հավաքականը հրաշալի պաշտպանվում է և լավ հակագրոհում, ինչը ապացուցվեց Լեհաստանի հետ խաղում:
Հավելենք, որ Հայաստանի և Չեռնոգորիայի ընտրանիների միջև հանդիպումը կկայանա նոյեմբերի 11-ին:
Սիրարփի Աղաբաբյան
