Վատիկանը խոստացել է աղոթել Թրամփի համար
Վատիկանը կաղոթի ԱՄՆ նորընտիր նախագահ Դոնալդ Թրամփի համար, հայտնում է Reuters-ը՝ վկայակոչելով Հռոմի կաթոլիկ եկեղեցու պետքարտուղար, կարդինալ Պիետրո Պարոլինին։
«Մենք կաղոթենք, որպեսզի Աստված նրան լուսավորի և ուժ տա՝ ծառայելու իր երկրին, ինչպես նաև հանուն բարգավաճման և խաղաղության՝ ողջ աշխարհում։ Կարծում եմ՝ այսօր յուրաքանչյուրը պետք է աշխատի այն ուղղությամբ, որպեսզի փոխի իրավիճակը աշխարհում, որը լուրջ հակամարտությունների մեջ է», – ասել է կարդինալը։
