ԱՄՆ-ում կարող է ևս մեկ նահանգ ստեղծվել
ԱՄՆ Կոլումբիա դաշնային շրջանի բնակիչների ճնշող մեծամասնությունը հանրաքվեի ժամանակ քվեարկել է վարչական շրջանի՝ նահանգ դառնալու փոփոխության օգտին, գրում է «Մեդուզան»։
Կոլումբիայի վերածումը ԱՄՆ 51-րդ նահանգի, իր աջակցությունն է ստացել նոյեմբերի 8-ին կայացած հանրաքվեում։ «Կողմ» է քվեարկել շրջանի բնակիչների ավելի քան 80 տոկոսը։
Վարչական կարգավիճակի փոփոխության նախագիծը ենթադրում է, որ Կոլումբիան իրեն նահանգ կհայտարարի, սակայն իր տարածքում կթողնի դաշնային շրջանը, որտեղ կտեղակայվեն կառավարական կառույցները։
Հանրաքվեից հետո Կոնգրեսը պետք է մշակի Կոլումբիային նահանգի կարգավիճակի շնորհման մասին օրինագիծը, այնուհետև այն պետք է հավանության արժանանա ԱՄՆ խորհրդարանի երկու պալատների և ստորագրվի ԱՄՆ նախագահի կողմից։
