Պուտինը շնորհավորել է Թրամփին՝ ԱՄՆ նախագահական ընտրություններում հաղթանակի կապակցությամբ
Կրեմլի կայքից տեղեկանում ենք, որ ՌԴ նախագահ Վլադիմիր Պուտինը ԱՄՆ նախագահական ընտրություններում հաղթանակի կապակցությամբ շնորհավորական հեռագիր է հղել Հանրապետական կուսակցությունից Դոնալդ Թրամփին։
Հեռագրում Պուտինը հույս է հայտնել, որ համատեղ աշխատանք կտարվի՝ ռուս-ամերիկյան հարաբերությունները ճգնաժամային իրավիճակից հանելու համար։
ՌԴ նախագահը նաև վստահություն է հայտնել, որ Մոսկվայի և Վաշինգտոնի կառուցողական երկխոսությունը ձեռնտու է երկու երկրների ժողովուրդներին և ողջ միջազգային հանրությանը։
Պուտինը Թրամփին հաջողություն է մաղթել ԱՄՆ նախագահի պաշտոնում։
