ԱՄՆ նախագահական ընտրություններում քվարկածները դժգոհ են թե՛ Քլինթոնից, թե՛ Թրամփից. հարցում
Ամերիկացիների մոտ 60%-ը, որը քվեարկել է ԱՄՆ նախագահական ընտրություններում, չի ցանկանում նախագահի պաշտոնում տեսնել ո՛չ Հիլարի Քլինթոնին, ո՛չ Դոնալդ Թրամփին։ Հարցման նման տվյալներ է ներկայացնում CNN-ը։
Դրա տեղեկություններով՝ հարցվածների 62%-ը կողմնորոշվել է իր ընտրության մեջ դեռևս սեպտեմբերին։
Ընդ որում՝ նրանց 54%-ը, որն արդեն տվել է իր ձայնը, գոհ է նրանից, թե ինչպես է կատարում իր պարտականությունները երկրի ներկայիս ղեկավար Բարաք Օբաման, սակայն նրա իրավահաջորդի հարցում ընտրողները վստահ չեն։
Մարդկանց համար վճռորոշ գործոն է եղել նախագահական աթոռին հավակնողի փորձը։
Մրցակիցների նախընտրական ծրագրի ամենակարևոր կետը ամերիկացիներն անվանել են տնտեսությունը։ Այդ հարցում Թրամփն ու Քլինթոնն ունեցել են կողմնակիցների միանման թիվ։
Հարցվածների 10-ից 8-ը վստահ է, որ քվեարկության արդյունքները կհաշվարկվեն առանց խախտումների։
