Սաակաշվիլիի կինը հրաժարվել է Վրաստանի խորհրդարանի մանդատից
Միխայիլ Սաակաշվիլիի կինը՝ Սանդրա Ռուլովսը, հրաժարվել է Վրաստանի խորհրդարանի պատգամավորական մանդատից, հայտնում է Грузия Online-ը՝ հղում կատարելով երկրի ԿԸՀ-ին։
«Սանդրա Ռուլովսը հայտնել է մեզ իր մտադրության մասին։ Վրաստանի ԿԸՀ-ն լիազորված չէ պատգամավորներին հանել պաշտոնից, դա պետք է անի խորհրդարանը գումարումից հետո։ ԿԸՀ-ն խորհրդարանին կներկայացնի միայն նրա իրավահաջորդի ազգանունը»,- հայտնել են Վրաստանի ԿԸՀ-ից։
Նշենք, որ Սանդրա Ռուլովսը Վրաստանի խորհրդարան է անցել ընդդիմադիր «Միացյալ ազգային շարժում» կուսակցության երկրորդ համարի տակ։
Կուսակցությունը 27 տեղ է ստացել Վրաստանի խորհրդարանում ընտրությունների արդյունքով։
Սպասվում է, որ նրա տեղում խորհրդարանում կհայտնվի Գեորգի Գվինիաշվիլին։
