Աղքատությունը նվազել է. ՀԺ
«Հայկական Ժամանակ» թերթը գրում է. «ՀՀ ազգային վիճակագրական ծառայությունը երեկ վերջապես հրապարակեց 2015 թվականի աղքատության ցուցանիշը Հայաստանում: Չեք հավատա, բայց ԱՎԾ-ն արձանագրել է, որ 2015 թվականին աղքատությունը Հայաստանում կրճատվել է 2014 թվականի համեմատ: Ըստ ԱՎԾ-ի, եթե 2014 թվականին աղքատ է եղել ՀՀ բնակչության ուղիղ 30 տոկոսը, ապա 2015-ին` 0.2 տոկոսով պակաս` 29.8 տոկոսը:
Թե թվաբանական ինչպիսի հրաշքներ է գործել ԱՎԾ-ն, առանձին ուսումնասիրության կարիք ունի: Ընդամենը հիշեցնենք, որ 2015 թվականին մեր բնակչության գնողունակությունը այնքան էր անկում ապրել, որ, օրինակ, մանրածախ առեւտրի ծավալը նախորդ տարվա համեմատ նվազել էր ավելի քան 10 տոկոսով:
Գահավիժող գնողունակության պայմաններում աղքատության նվազում կարող է արձանագրել միայն Ստեփան Մնացականյանի գլխավորած կանտորան»:
Ամբողջությամբ կարող եք կարդալ «Հայկական Ժամանակ» թերթի այսօրվա համարում:
