«Ադրբեջանը Վրաստանի շատ կարևոր ռազմավարական գործընկերն է»․ Կվիրիկաշվիլի
Ադրբեջանի հետ երկկողմ հարաբերությունները շարունակում են զարգանալ, ադրբեջանական APA գործակալության հաղորդմամբ հայտարարել է Վրաստանի վարչապետ Գեորգի Կվիրիկաշվիլին։ Վրաստանի վարչապետը նշել է, որ Ադրբեջանը Վրաստանի շատ կարևոր ռազմավարական գործընկերն է։
«Մեր հարաբերությունները դինամիկ կերպով զարգանում են բոլոր ուղղություններով»,- հայտարարել է Վրաստանի վարչապետը։ «Մենք համագործակցում ենք նաև անվտանգության և մի շարք այլ ոլորոտներում։ Մետաքսե նոր ճանապարհի վերածնունդը մեզ համար շատ կարևոր է և մեծ նշանակություն ունի ոչ միայն Ադրբեջանի և Վրաստանի, այլև ամբողջ տարածաշրջանի համար»,- ասել է վարչապետը։
