Էմիլ Ամիրխանյանը նշանակվել է փաստաբանների պալատի նախագահի առաջին տեղակալ
Փաստաբան Էմիլ Ամիրխանյանը (արտոնագիր 993,տրված 16.10.2010թ.) նոյեմբերի 7-ին նշանակվել է ՀՀ փաստաբանների պալատի նախագահի առաջին տեղակալ: Այս մասին տեղեկացրին ՀՀ փաստաբանների պալատի մամուլի ծառայությունից:
Էմիլ Ամիրխանյանի գործառույթներն են.
-Պետական (դատական, ոստիկանության, դատախազության և այլ) ուտեղական ինքնակառավարման մարմինների հետ հարաբերություններիհամակարգում.
-Պալատի և միջազգային կառույցների միջև հարաբերություններիհամակարգում.
-Պալատի հասարակայնության հետ կապերի ոլորտի, այդ թվում՝ Պալատի մամուլի խոսնակի աշխատանքի համակարգում.
-Պալատի ծրագրերի արդյունավետ իրականացման ապահովում.
-Պալատի մասնակցությամբ գործերով դատական ներկայացուցչություն.
-Նորմատիվ իրավական ակտերի կամ դրանց նախագծերի վերաբերյալ Պալատի դիրքորոշումների մշակում ևներկայացում.
-Փաստաբանների նկատմամբ ներկայացված բողոքների քննարկման կազմակերպում:
Աշխատանքային գործունեություն
2016թ. ապրիլ- 2016թ. նոյեմբեր զբաղեցրել է Արդարադատության ակադեմիայի պրոռեկտորի պաշտոնը
2015թ. դեկտեմբեր-2016թ. ապրիլ Արդարադատության ակադեմիայի պրոռեկտորի պաշտոնակատար
2016թ. մայիսից-հունիս հանդիսացել է Արդարադատության ակադեմիայի ռեկտորի պաշտոնակատար
2015 թ.-ից Եվրոպայի խորհրդի HELP (Մարդու իրավունքների բնագավառում ուսուցում իրավաբանների համար) ծրագրի հայաստանյան համակարգողն է
2014-2016թթ. զբաղեցրել է Արդարադատության ակադեմիայի գիտահետազոտական վարչության պետի պաշտոնը
2010թ.-ից հանդիսանում է ՀՀ փաստաբանների պալատի անդամ, փաստաբան
2007-2014թթ. զբաղեցրել է ՀՀ Վճռաբեկ դատարանի նախագահի խորհրդականի պաշտոնը
2007թ. զբաղեցրել է ՀՀ վճռաբեկ դատարանի քաղաքացիական պալատի դատավորի խորհրդականի պաշտոնը
2006-2007թթ. աշխատել է որպես ՀՀ վճռաբեկ դատարանի փորձագիտական վարչության փորձագետ
2005-2006թթ. զբաղեցրել է ՀՀ տնտեսական դատարանի նախագահի օգնականի պաշտոնը
Կրթություն
2013թ. սովորել է Իրավունքի և դիվանագիտության Ֆլետչերի դպրոցում, ԱՄՆ, հանրային քաղաքականության և հանրային կառավարման ուսուցման ծրագիր
2009թ. ավարտել է ԵՊՀ իրավագիտության ֆակուլտետի ասպիրանտուրան: Պաշտպանել է թեկնածուական ատենախոսություն «Ապրանքային նշանի իրավական կարգավորումը և դրա պաշտպանությունը ՀՀ օրենսդրությամբ» թեմայով և ստացել իրավաբանական գիտությունների թեկնածուի գիտական աստիճան:
2006-2007թթ. սովորել է Հայաստանում ֆրանսիական համալսարանի իրավաբանական ֆակուլտետում՝ ստանալով միջազգային գործարարական իրավունքի մագիստրոսի աստիճան
2001-2006թթ. սովորել է Հայաստանում Ֆրանսիական համալսարանի իրավաբանական ֆակուլտետում՝ ստանալով դիպլոմավորված մասնագետի աստիճան
Դասավանդման փորձ
2014թ.-ից Արդարադատության ակադեմիայի դասախոս (դասընթացներ՝ «ՄԻԵԴ նախադեպային իրավունքը սեփականության իրավունքի պաշտպանության ոլորտում», «Մտավոր սեփականության իրավունք»).
2011թ. Հայաստանում ֆրանսիական համալսարան հիմնադրամ, դասախոս (դասընթացներ՝ «Ժառանգական իրավունք», «Առևտրային իրավունք»)
