Մյունխենում փախստականների ապաստարանը կշրջապատվի 4-մետրանոց բարձրություն ունեցող պատով
4-մետրանոց ձայնամեկուսիչ պատը Մյունխենի Նոյպերլախ շրջանում կկառուցվի, որպեսզի բնակելի տները առանձնացվեն փախստականների համար կառուցվող ապաստարանից: Նման փոխզիջումային որոշման են հանգել քաղաքի իշխանությունները՝ փորձելով լուծել Մյունխենի իշխանությունների և Նոյպերլախի բնակիչների կոնֆլիկտը:
«Պատն ինտեգրման հակադրությունն է»,- որոշումը քննադատում է տեղի քաղաքական գործիչ Գիդո Բուխհոլցը, հայտնում է գերմանական Die Welt պարբերականը: Նրա կարծիքով՝ կառուցվող պատը «հյուրընկալության մշակույթի հակադրությունն է»:
«Անգամ բեռլինյան պատն է եղել 40 սմ-ով ցածր»,- ընդգծել է քաղաքական գործիչը:
Պատի հարևանությամբ հարակից տները տեղակայված են 25 մ հեռավորության վրա և ապաստարանից առանձնացված են ճանապարհով:
Նոյպերլախի ապաստարանը նախատեսված է 160 երիտասարդ ապաստան հայցողի, ինչպես նաև անչափահաս փախստականների համար:
