Գերմանիայից ապաստան խնդրող Թուրքիայի քաղաքացիների թիվը կտրուկ աճել է
Գերմանիայից ապաստան խնդրող Թուրքիայի քաղաքացիների թիվը 2016 թվականին զգալիորեն ավելացել է: Այս մասին տեղեկացնում է գերմանական Bild պարբերականը` հիմնվելով Գերմանիայի կառավարությունից ստացած տվյալների վրա:
Գերմանական կառավարության տվյալներով` մինչև 2016 թվականի սեպտեմբեր ապաստան ստանալու խնդրանքով իրենց է դիմել Թուրքիայի 3 հազար 973 քաղաքացի: Սա կրկնակի ավել է 2015 թվականին Գերմանիային դիմած Թուրքիայի քաղաքացիների ամբողջ թվից:
Bild-ը գրում է, որ դիմումների կտրուկ աճը գրանցվել է Թուրքիայում հուլիսի 15-ի ռազմական հեղաշրջման փորձից հետո:
