«Թուրքիայում ԵՄ հիմնարար արժեքները ոտնատակ են արվում». Գերմանիայի արդարադատության նախարար
Գերմանիայի արդարադատության նախարար Հայկո Մաասը խստորեն դատասպարտել է Թուրքիայում ընդդիմադիր Ժողովուրդների դեմոկրատական կուսակցության պատգամավորների ձերբակալության փաստը: Այս մասին տեղեկացնում է գերմանական Deutsche Welle-ը:
«Թուրքիայում Եվրամիության հիմնարար արժեքները ոտնատակ են արվում»,- նշել է Մաասը: Նա ընդգծել է, որ թուրքական պետությունում տեղի ունեցող զարգացումները բացասաբար են ազդելու Եվրամիությանն անդամակցության գործընթացի վրա:
Անդրադառնալով Թուրքիայում մահապատժի հնարավոր վերականգնմանը` նախարարը փաստել է, որ դա կդառնա ԵՄ հետ բանակցային գործընթացի վերջը:
