Մարտեր Դոնբասում. կան զոհեր և վիրավորներ
Անցած օրերին Դոնբասում տեղի ունեցած ռազմական գործողությունների հետևանքով սպանվել է 2 մարդ, ևս 5-ը վիրավորվել է։ Այս մասին Դոնբասի մարզի ռազմաքաղաքական վարչակազմի ղեկավար Պավել Ժեբրիվսկին հայտնել է Եվրախորհրդարանի պատվիրակությանը, տեղեկացնում է korrespondent.net-ը։
Վերջինիս խոսքով՝ զինվորականները զոհվել են կրակոցների հետևանքով, որոնք ընթանում են սահմանազատման գոտու ողջ երկայնքով, հատկապես Ավդեևկայի արդյունաբերական գոտու շրջանում, Մարիուպոլի և Մարյինկայի մերձակայքում։
«Ներկայումս արմատապես նվազել է մարդկանց թիվը, որոնք կցանկանային ապրել այսպես կոչված Դոնեցկի և Լուգանսկի հանրապետություններում։ Մարդկանց միայն 15-17 տոկոսն է նախընտրում միանալ Ռուսաստանին, 72 տոկոսը Ուկրաինայի կողմնակից է», հայտնել է Ժեբրիվսկին։
Իր հերթին, անջատողականները մեղադրում են ուկրաինական բանակին։ Մասնավորապես, Դոնեցկի ինքնահռչակ հանրապետությունը հայտարարում է, որ ուկրաինական զինծառայողները 388 հրետանային արկ ու ական են արձակել Դոնեցկի ծայրամասերի ուղղությամբ։
