Freedom House-ը պահանջել է Ադրբեջանից դադարեցնել ճնշում գործադրել փաստաբանների նկատմամբ
Freedom House միջազգային իրավապաշտպան կազմակերպությունն իր անհանգստությունն է հայտնել Ադրբեջանում փաստաբանների նկատմամբ ճնշումների վերջին դեպքերի առնչությամբ, հայտնում է contact.az-ը։
«Ադրբեջանի կառավարությունը պետք է դադարեցնի Էլչին Սադիգովի և Ֆարիզ Նամազլիի դեմ ուղղված սպառնալիքներն ու հետապնդումները, որոնք երկրում այն քիչ փաստաբաններից են, որ համարձակվել են պաշտպանել քաղաքական բանտարկյալների շահերն ու իշխանություններից նրանց իրավունքների խախտման դեպքերը»,- ասել է կազմակերպության փոխնախագահ Ռոբերտ Գերմանը։
Նա հավելել է, որ Ադրբեջանի կառավարությունը պետք է դադարեցնի կոշտ ճնշումները փաստաբանների վրա՝ կապված նրանց պրոֆեսիոնալ գործունեության հետ։
Freedom House-ը հիշեցնում է, որ 2016թ․ Ադրբեջանում ստեղծված վիճակը ազատության ինդեքսները գնահատել են՝ որպես «անազատ երկիր»։
Բացի այդ՝ երկիրը ներառված է երկրների շարքում, որոնք ունեն «անազատ մամուլ» և «մասնակի ազատ համացանց»։
