Թուրքիան շարունակում է զորքեր կուտակել Իրաքի հետ սահմանին. Anadolu
Ռազմական տեխնիկայով հերթական ավտոշարասյունն է Թուրքիայի Գազիանթեպ քաղաքից ուղևորվել Իրաքի հետ սահմանակից Սիլոպի քաղաք, հայտնում է Anadolu գործակալությունը։
Գործակալության հաղորդագրության համաձայն՝ Իրաքի հետ սահմանամերձ շրջաններ են արդեն հասել Թուրքիայի զինված ուժերի հետևակի 28-րդ բրիգադի ստորաբաժանումները։
Ավելի վաղ Անկարայից Սիլոպի էին ուղևորվել տանկեր և այլ ռազմական տեխնիկա, կենտրոնական Չանղըրը նահանգից՝ տրանսպորտ և ծանր տեխնիկա։
Թուրքիայի պաշտպանության նախարար Ֆիքրի Ըշըքը երեկ հաստատել է թուրքական ԶԼՄ-ների տեղեկությունները Իրաքի հետ սահմանակից շրջաններում մեծ քանակությամբ ռազմական տեխնիկա և հավելյալ զորքեր կուտակելու մասին՝ «նախապատրաստվելու տարածաշրջանում իրադարձությունների հնարավոր զարգացմանը»։
