«Դժվարին պահին Ռուսաստանը ապացուցեց, որ Թուրքիայի ընկերն է». Չավուշօղլու
Թուրքիայի արտգործնախարար Մևլյութ Չավուշօղլուն ռուսական «Ռոսիա-24» հեռուստաալիքին տված հարցազրույցում, ի թիվս այլ հարցերի, մեկնաբանել է երկու երկրների հարաբերությունները, հայտնում է Anadolu գործակալությունը։
Չավուշօղլուն հարցազրույցի ժամանակ հայտարարել է, որ Ռուսաստանն ապացուցել է, որ Թուրքիայի ընկերն է դժվարին պահին։
Երախտագիտություն հայտնելով Ռուսաստանին, այդ թվում՝ ՌԴ նախագահ Վլադիմիր Պուտինին, որը աջակցել է Թուրքիայում հուլիսյան ձախողված հեղաշրջման ժամանակ, վերջինս ասել է. «Ընկերը դժբախտության մեջ է ճանաչվում։ Հենց այդ արտահայտությունն էլ գործով ապացուցեց Ռուսաստանը՝ ցուցաբերելով անկեղծ դիրքորոշում»։
Չավուշօղլուի խոսքով՝ թուրք ժողովուրդը երբեք չի մոռանա ընկերների աջակցությունը, այդ թվում՝ նաև Ռուսաստանի։
