Brexit-ը պետք է հավանության արժանացնի խորհրդարանը. Բրիտանիայի դատարան
Լոնդոնի դատարանը որոշում է կայացրել Եվրամիությունից Մեծ Բրիտանիայի դուրս գալու վերաբերյալ։ Դատավորները վճռել են, որ դաշինքի կազմից դուրս գալու համար երկրին անհրաժեշտ է ստանալ խորհրդարանի հաստատումը, հայտնում է AP-ն։
Դատարանը վճռել է, որ կառավարությունը չի կարող հայտարարել Լիսաբոնի պայմանագրի 50-րդ կետի գործողության մասին՝ առանց խորհրդարանի համաձայնության։
Կառավարությունը պնդում էր, որ ի վիճակի է նման որոշում կայացնել՝ առանց խորհրդարանի համաձայնության՝ հիմնվելով հունիսյան հանրաքվեի արդյունքների վրա։
Ավելի վաղ հաղորդվել էր, որ Մեծ Բրիտանիան կարող է Եվրամիությունից դուրս գալու հայտ ներկայացնել արդեն 2017թ. սկզբին։
