Հանրակրթական ուսումնական հաստատություններում աշնանային արձակուրդը երկարաձգվելո՞ւ են. ՀԺ
«Հայկական Ժամանակ» թերթը գրում է. «Այս օրերին հանրության շրջանում տեղեկություններ են տարածվում, որ հայաստանյան հանրակրթական ուսումնական հաստատություններում աշնանային արձակուրդը երկարաձգվելու է և դասերը վերսկսվելու են միայն նոյեմբերի 14-ից։ Մեր հարցմանն ի պատասխան ՀՀ կրթության և գիտության նախարարության տեղեկատվության և հասարակայնության հետ կապերի վարչությունից հերքեցին դա՝ նշելով, որ առողջապահության նախարարությունից նման առաջարկ չի ստացվել։
Հայտնի է, որ դպրոցներում արձակուրդը երկարաձգելու նախաձեռնողը լինում է առողջապահության գերատեսչությանը, այն դեպքերում, երբ, ասենք, առկա է այս կամ այն վարակի տարածման վտանգ կամ համաճարակ է։ Առողջապահության նախարարությունից տեղեկացանք, որ այստեղ նաև չեն պատրաստվում դիմել կրթության և գիտության նախարարության՛ արձակուրդը երկարաձգել հարցով, քանի որ դրա անհրաժեշտությանը չկա։ Այնպես որ, ինչպես ավելի վաղ հայտարարվել է, դասապրոցեսը կվերսկսվի նոյեմբերի 7-ից։ Առաջին դասարանցիների աշնանային արձակուրդը սկսվել էր հոկտեմբերի 2-ին»:
