«Իրենք իմ աշխատանքային ռեժիմից դուրս են եկել. Ես ո՛չ իրենց կարողանում եմ հանձնարարություն տալ, ո՛չ իրենց հետ հանդիպել, խոսել»
Գործադիր մարմնի նիստի ընթացքում վարչապետ Կարեն Կարապետյանը բոլոր նախարարներին և գերատեսչություններին հանձնարարեց կայքերը ռևիզիա անել։
«Թեժ գծերն աշխատեցրեք, պատասխանատուներին կոնկրետ նշեք, որովհետև իմ օգնականներն ու խորհրդականներն այս մի քանի օրվա մեջ, բացի զանգերին պատասխանելուց և հանդիպելուց, ոչ մի բան չեն կարողանում անել։ Իրենք իմ աշխատանքային ռեժիմից դուրս են եկել։ Ես ոչ իրենց կարողանում եմ հանձնարարություն տալ, ոչ իրենց հետ հանդիպել, խոսել»,- հայտարարեց վարչապետը։
Նա նշեց, որ մի քանի օրերին եղել է 2156 հեռախոսազանգ, 586 էլէկտրոնային հաղորդագրություն, հանդիպումների քանակը՝ 100-ից ավելի։
