Վրաստանում երկրաշարժ է տեղի ունեցել

Վրաստանի հյուսիսում՝ Ռաչա-Լեչխումի և Ներքին Սվանեթիա շրջաններում այսօր 3 մագնիտուդ ուժգնությամբ երկրաշարժ է գրանցվել, հայտնում է Իլյա Ճավճավաձեի անվան պետական համալսարանի սեյսմոլոգիական մոնիթորինգի կենտրոնը։

Սեյսմոլոգների տեղեկություններով՝ ստորերկրյա ցնցումները տեղի են ունեցել Օնի քաղաքից 4 կմ հարավ-արևելք։ Երկրաշարժի օջախը գտնվել է 10 կմ խորության վրա։ Ավերածությունների կամ տուժածների մասին տեղեկություններ չկան։