Գերմանիայում արդեն մեկ տարի անց կարող են գործարկել ջրածնով աշխատող առաջին գնացքը
Ջրածնով աշխատող առաջին գնացքը Գերմանիայում կարող է գործարկվել 2017 թվականի դեկտեմբերին: Այդ մասին նոյեմբերի 2-ին հայտնել է Die Welt թերթը:
Ենթադրվում է, որ աշնանը երկաթուղիների համերկրային գերատեսչությունը (EBA) կսկսի Coradia iLint գնացքների շահագործման թույլատրման ընթացակարգը, որոնք արտադրվել են Alstom ընկերության կողմից:Առաջին շարժակազմը կսկսի աշխատել Բուքստեհուդե- Բրեմերֆորդե-Բրեմերհաֆեն-Կուստհաֆեն երթուղով: Գնացքի կտուրին տեղադրված է ջրածնային վառելիքային տարր: Էլեկտրաքիմիական սարքը թթվածնի հետ ջրածնի միացման ռեակցիայի էներգիան վերածում է էլեկտրականության՝ շրջանցելով այրման սակավարդյունավետ գործընթացները:
Տեխնոլոգիան նախատեսված է զանգվածային արտադրության համար, դրա առավելությունները կդառնան վնասակար արտանետումների բացակայությունը, անաղմուկությունը եւ էլեկտրականության տնտեսումը. գնացքը հանդերձված է էներգիայի կուտակման սարքով, որը վերահսկվում է էլեկտրասպառման կառավարման ինտելեկտուալ համակարգով, հաղորդել է ՌԻԱ Նովոստին:
