Թուրքիայի հյուսիսում երկրաշարժ է տեղի ունեցել
Թուրքիայի Չորում նահանգում այսօր 4.7 մագնիտուդ ուժգնությամբ երկրաշարժ է տեղի ունեցել, հայտնում է թուրքական Sabah թերթը։
Թերթի տեղեկություններով՝ ստորերկրյա ցնցումները գրանցվել են տեղի ժամանակով ժ. 14:52-ին։
Հաղորդվում է, որ երկրաշարժի հետևանքով ավերածություններ ու տուժածներ չկան։
Ստորերկրյա ցնցումների էպիկենտրոնը գտնվել է Իսկլիպ քաղաքի մերձակայքում, օջախը գտնվել է 10 կմ խորության վրա։
