Ալեքսանդր Լուկաշենկոն կժամանի Ադրբեջան
Բելառուսի նախագահ Ալեքսանդր Լուկաշենկոն նոյեմբերի 28-29-ին պաշտոնական այցով կժամանի Ադրբեջան, հայտնում է ադրբեջանական APA գործակալությունը։
Հաղորդվում է, որ երկու երկրների բանակցությունների ընթացքում քննարկվելու են երկկողմ հարաբերությունները։ Սպասվում է նաև մի շարք համաձայնագրերի և փաստաթղթերի ստորագրում, որն ուղղված է երկկողմ համագործակցության ընդլայնմանը։
Օրեր առաջ Լուկաշենկոն Ադրբեջանի փոխվարչապետ Յաղուբ Էյուբովի հետ Մինսկում կայացած հանդիպմանն ասել էր, թե նախատեսում է հանդիպել Իլհամ Ալիևի հետ։
