Օբամային փոխարինողը միլիոնավոր բաժանորդներով նախագահական հաշիվ կստանա Twitter-ում
ԱՄՆ-ի նոր նախագահը 2017 թվականի հունվարի 20-ից հնարավորություն կստանա օգտվել Twitter-ում նախագահական հաշվից, որն արդեն 11 մլն բաժանորդ ունի: Այդ մասին նոյեմբերի 1-ին հայտնել են արեւմտյան ԶԼՄ-ները:
@POTUS (“President of the United States”) հաշիվը կանցնի ԱՄՆ-ի 45-րդ նախագահի օգտագործմանը, որը կդառնա կա՛մ հանրապետականների թեկնածու Դոնալդ Թրամփը, կա՛մ դեմոկրատների թեկնածու Հիլարի Քլինթոնը:
Հաղորդագրությունների ժապավենը, որոնք գրվել են երկրի 44-րդ նախագահ Բարաք Օբամայի կողմից, կչեղարկվի հին հաշվում եւ կտեղափոխվի նոր հաշիվ:
Նույն ձեւով կփոխանցվեն ԱՄՆ-ի առաջին տիկնոջ հաշիվը՝ @FLOTUS (“First Lady of the United States”)-ը, ԱՄՆ-ի փոխնախագահի @VP (“Vice-President”) հաշիվը եւ Սպիտակ տան մամուլի քարտուղարի հաշիվը՝ @PressSec (“Press Secretary”)-ը:
ԱՄՆ-ի նախագահի ընտրությունները նշանակված են 2016 թվականի նոյեմբերի 8-ին, հաղորդել է «Ինտերֆաքս»-ը:
