«Նման հակամարտությունների հանգուցալուծումը պետք է լինի բացառապես խաղաղ ճանապարհով». Բելգիայի Սենատի նախագահ
Լեռնային Ղարաբաղի հակամարտությունը պետք է կարգավորվի բացառապես խաղաղ ճանապարհով: ՀՀ ԱԺ նախագահ Գալուստ Սահակյանի հետ հանդիպմանն այս մասին ասաց Բելգիայի Սենատի նախագահ Քրիստին Դըֆրեյնը: «Նման հակամարտությունների հանգուցալուծումը պետք է լինի բացառապես խաղաղ ճանապարհով: Միայն խաղաղ ճանապարհով կարող է վերջն դնել տարածաշրջանում ապրող մարդկանց տառապանքներին»,- նշեց Դըֆրեյնը:
Նա ընդգծեց, որ Բելգիան միշտ կարողացել է լուծումներ գտնել անլուծելի իրավիճակներում և ողջ Եվրոպայում հայտնի է փոխզիջման տարբերակներ գտնելու արվեստով: «Մենք պատրաստ ենք մեր աջակցությունը բերել Հայաստանին՝ լուծումներ գտնելու համար»,- եզրափակեց Բելգիայի Սենատի նախագահը:
