«Առաջարկում եմ պարոն Զուրաբյանին հարց ուղղեք՝ իսկ ո՞վ է նման բան ասում». Դավիթ Հարությունյան
«Բյուջեի գումարը երբեք որևէ կառավարության օրոք որևէ պետությունում բավարար չէ, միշտ անհրաժեշտ են ավելի շատ գումարներ, բայց հնարավորություններն այսքան են»,- այսօր Ազգային ժողովում լրագրողների հետ զրույցի ժամանակ ասաց Կառավարության աշխատակազմի ղեկավար Դավիթ Հարությունյանը:
Նրա խոսքով՝ կրճատումներ են եղել կառավարությունում, այն արդյունավետությունը, որ կարող էր լինել, եթե եռապատկվեին աշխատողները, չի լինի, բայց, իհարկե, էլի հնարավոր է: Դիտարկմանը, թե ՀԱԿ ղեկավար Լևոն Զուրաբյանն ահազանգեց, որ ՀՀԿ-ականների շրջանակում կան կուլիսային խոսակցություններ, որ ընտրատեղամասերում հնարավոր է տեսախցիկներ չտեղադրվեն, Դ. Հարությունյանն այսպես արձագանքեց. «Հարցն ուղղեք պարոն Զուրաբյանին: Առաջարկում եմ պարոն Զուրաբյանին հարց ուղղեք՝ իսկ ո՞վ է նման բան ասում: Պարզեք պարոն Զուրաբյանից՝ ինքն ի՞նչ նկատի ունի, ես փորձել եմ պարզել, հիմա դուք պարզեք»:
