«Կրիշտիանու Ռոնալդուն «Ոսկե գնդակի» լավագույն թեկնածուն է». Սըր Ալեքս Ֆերգյուսոն
«Մանչեսթեր Յունայթեդի» նախկին գլխավոր մարզիչ Սըր Ալեքս Ֆերգյուսոնը հայտարարել է, որ այս տարի «Ոսկե գնդակը» պետք է ստանա «Ռեալի» հարձակվող Կրիշտիանու Ռոնալդուն:
«Չեմ կարող Ռոնալդուից ավելի լավ թեկնածու գտնել, ով արժանի է «Ոսկե գնդակին»: Կրիշտիանուի նվաճումներն անգերազանցելի են: Նա անցկացրել է հիանալի մրցաշրջան, «Ռեալի» հետ հաղթել է Չեմպիոնների լիգան և Եվրո-2016-ը՝ Պորտուգալիայի հավաքականի հետ:
Եզրափակչում նա դուրս մնաց խաղից և հանդիպման վերջնամասում աջակցում էր թիմակիցներին: Այնքան մեծ էր տիտղոսը նվաճելու նրա ցանկությունը. ինձ հաճելի էր այդ ամենին հետևել»,- ասել է Ֆերգյուսոնը:
Պատրաստեց Անի Գաբուզյանը
