ԱՄՆ-ում հզոր պայթյուն է տեղի ունեցել գազատարում
ԱՄՆ Ալաբամա նահանգի Բիրմինհեմ քաղաքից ոչ հեռու գտնվող Colonial Pipeline գազատարում հզոր պայթյուն է որոտացել։ ԶԼՄ-ների տեղեկություններով՝ տուժել է նվազագույնը 7 մարդ, որոնք աշխատակիցներ են։
Տեղացիները պատմել են, որ պայթյունի ցնցումները զգացվել են իրենց տներում։
«Դեպքի հետևանքով 7 մարդ այրվածքներ է ստացել։ Տուժածներին ուղղաթիռներով տեղափոխել են հիվանդանոցներ»,- հայտնում է WBRC հեռուստաալիքը։
Փրկարար ծառայությունները տարհանում են տեղացիներին, որոնք ապրում են պայթյունի վայրից 3 կմ հեռավորության վրա։
