«Կգան լավագույն ժամանակները». Հենրիխ Մխիթարյան
«Մանչեսթեր Յունայթեդի» կիսապաշտպան Հենրիխ Մխիթարյանը, ով վերջերս վերականգնվել էր վնասվածքից, բայց չէր հայտնվել Պրեմիեր լիգայի 10-րդ տուրում «Բերնլիի» հետ խաղի (0:0) հայտացուցակում, Թվիթերում լավատեսական հաղորդագրություն է հրապարակել:
«Մեզ սպասվում են լավագույն ժամանակները: Շարժվում ենք առաջ: Մեկը՝ բոլորի, բոլորը՝ մեկի համար»,- գրել է Մխիթարյանը:
Հոկտեմբերի 31-ին «Բերնլիի» հետ հանդիպումից 1 օր անց, հայ ֆուտբոլիստը միայնակ մարզվել է ակումբի մարզաբազայում: Ավելի վաղ մանկունյանցիների գլխավոր մարզիչ Ժոզե Մոուրինիոն վստահություն էր հայտնել, որ կիսապաշտպանը ժամանակի ընթացքում կադապտացվի անգլիական ֆուտբոլին և կցուցադրի որակյալ խաղ:
Պատրաստեց Անի Գաբուզյանը
