Ֆրանսիայի գլխավոր գրական պարգևի դափնեկիրը կստանա 10 եվրոյի վճարագիր
Այս շաբաթ Փարիզում 10 եվրոյի վճարագիր կհանձնվի Գոնկուրյան մրցանակի նոր դափնեկրին: Ֆրանսիայի գլխավոր գրական մրցանակի դրամական մասն արժեզրկվել է արժութային շուկաներում այն ցնցումների հետեւանքով, որոնք տեղի են ունեցել այնցյալ դարում այն սահմանվելուց հետո:
Բայց բարձր ժյուրիի անդամները համոզված են. գրողը վիրավորված չէ:
«Դա խորհրդանշական վճարագիր է,- պարզաբանել Է ակադեմիայի նախագահ Բեռնար Պիվոն L’OBS հանդեսում հրապարակված հարցազրույցում:- Գրողին վարձատրություն կբերեն հեղինակային իրավունքները»: Այսպես, Պիեր Լեմետրի գիրքը, որը մրցանակի էր արժանացել 2013 թվականին «Կհանդիպենք այնտեղ՝ վերեւում» վեպի համար, այդ ժամանակվանից ի վեր հրատարակվել է 600 հազար օրինակով եւ թարգմանվել 20 լեզուներով:
Ֆրանսիայի ամենահռչակավոր գրական պարգեւը սահմանել են Էդմոն եւ Ժյուլ դը Գոնկուր եղբայրները: Արվեստակից գործընկերներին աջակցել ցանկացող եղբայրների մտադրությունն առաջին անգամ իրագործվել է 1903 թվականին, եւ այդ ժամանակվանից ի վեր այն շնորհվում է ամեն տարի: Ակադեմիայի հաստիքակազմում սոսկ մեկ աշխատակից է՝ քարտուղարը: Ցմահ ընտրված բոլոր տասն ակադեմիկոսներն աշխատում են հասարակական հիմունքներով եւ ոչ մի կարգի փոխհատուցում չեն ստանում գործընկերների գրքերի ընթերցանության եւ դափնեկիրների հետագա ընտրության համար, հաղորդել է ՏԱՍՍ գործակալութ յունը:
