Վրաստանում երկրաշարժ է տեղի ունեցել
Վրաստանի արևելքում կիրակի օրը գրանցվել է 3.2 մագնիտուդ ուժգնությամբ երկրաշարժ, հայտնում է Իլյա Ճավճավաձեի անվան պետական համալսարանի սեյսմոլոգիական մոնիթորինգի կենտրոնը:
Սեյսմոլոգների տեղեկություններով՝ ստորերկրյա ցնցումները տեղի են ունեցել Կվարելի քաղաքից (Արևելյան Վրաստան, Կախեթիա շրջան) 16 կմ արևելք: Երկրաշարժի էպիկենտրոնը գտնվել է Սարուսո գյուղից 11 կմ հեռավորության վրա:
Երկրաշարժի օջախը գտնվել է 10 կմ խորության վրա:
Տուժածների կամ ավերածությունների մասին տեղեկություններ չկան:
