Վահան Մարտիրոսյանը մտադիր է իր նախկին գործընկերներին տեղավորել բարձր պաշտոնների. «ՉԻ»
«Չորրորդ իշխանություն» օրաթերթը գրում է. «Լրատվամիջոցների տեղեկությունների համաձայն , տրանսպորտի և կապի նախարար Վահան Մարտիրոսյանը մտադիր է «Ռոստելեկոմ» ընկերության իր նախկին գործընկերներին տեղավորել բարձր պաշտոնների: Հայկ Ֆարամազյանին՝ ՊԵԿ-ում վարչության պետ դարձնել, Արա Յաղջյանին՝ ՊԵԿ նախագահի խորհրդական:
«ՉԻ»- «Հա, բայց լրատվամիջոցներն ինչո՞ւ են իրար խառնվել: Կարևորը, որ Վահան Մարտիրոսյանն ու Հայկ Ֆարամազյանը մայր ու աղջիկ չեն, իսկ կառավարությունն էլ դպրոց չէ: Իսկ Կարեն Կարապետյանը միայն մայր ու աղջկա՝ նույն դպրոցում աշխատելն էր անթույլատրելի համարել: Ինչ վերաբերում է այն տեղեկություններին, որ պետական մարմիններն առաջիկայում մտադիր են փոխել կապի օպերատորին և օգտվել «Ռոստելեկոմի» ծառայություններից, ապա դա նույնպես հասկանալի է: Կարեն Կարապետյանը «Ռոստելեկոմի» հետ բազմաթիվ թելերով է կապված: Ավելի ճիշտ՝ կաբելներով: Իսկ նման կապերը, որպես կանոն, պարտավորեցնում են»:
Ամբողջությամբ կարող եք կարդալ «Չորրորդ իշխանություն» օրաթերթի այսօրվա համարում։
