«Մարդիկ մտածում են, որ ես կախարդական փայտիկ ունեմ, բայց դա այդպես չէ». Պեպ Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան կարծիք է հայտնել թիմի վերջին արդյունքների մասին: «Քաղաքաբնակները» չեն կարողանում հաղթել արդեն 6-րդ խաղն անընդմեջ:
«Հիմա ես անում եմ այն ամենը, ինչ անում էի, երբ մենք հաղթեցինք 10 խաղ անընդմեջ: Այսպիսի անկումներ պատահում են յուրաքանչյուրի հետ: Մարդիկ կարծում են, որ ես կախարդական փայտիկ ունեմ, բայց այդպիսի բան գոյություն չունի ֆուտբոլում:
Յուրաքանչյուր թիմ ունենում է լավ և վատ արդյունքներ: Հուսով եմ, դա նորից չի լինի, բայց դա իմ աշխատանքի մի մասն է, և ես ոչինչ չեմ պատրաստվում փոխել»,- Գվարդիոլային է մեջբերում Marca-ն:
Պատրաստեց Անի Գաբուզյանը
