Times-ն անվանել է Եվրոպայում հաջորդ ռազմական հակամարտության վայրը
Բրիտանական The Times պարբերականն անվանել է Եվրոպայում հաջորդ ռազմական հակամարտության վայրը Ղրիմից, արևելյան Ուկրաինայից և Սիրիայից հետո։
The Times-ը գրում է, որ Մերձբալթիկան կարող է դառնալ Եվրոպայում հաջորդ ռազմական հակամարտության վայրը։
«Դժվար թե Մերձբալթիկայում երրորդ համաշխարհային պատերազմ բռնկվի, սակայն անհրաժեշտ է հաշվի առնել, որ սադրանքների ռիսկը, կոպիտ թերացումների ու սխալների հավանականությունը Ռուսաստանի կողմից տարածաշրջանում նախկինի պես բարձր է»,- ասվում է հոդվածում։
Պարբերականը հիշեցնում է, որ Ռուսաստանի արևմուտքում՝ ՆԱՏՕ-ի սահմանների հարևանությամբ, կենտրոնացած են, որոշ գնահատականների համաձայն, 330 հազար ռուսաստանցի զինծառայողներ, Կալինինգրադի մարզում տեղակայված են հրթիռային համալիրներ, որոնք ի վիճակի են կրել միջուկային լիցք, իսկ ռուսական ռազմական ինքնաթիռներն ու նավերը շարունակում են իրենց վրա ուշադրություն հրավիրել անսպասելի մանևրներով։
