Ջիհադականները պատանդ են վերցրել Մոսուլի տասնյակ հազարավոր բնակիչների. ՄԱԿ
ՄԱԿ-ը հայտարարել է, որ հավաստի տեղեկություններ ունի այն մասին, որ ԴԱԻՇ-ի ջիհադիստները պատանդ են վերցրել Մոսուլի տասնյակ հազարավոր բնակիչների։
Ամենայն հավանականությամբ, զինյալները մտադիր են խաղաղ բնակիչներին օգտագործել որպես կենդանի վահան Մոսուլի գրոհի ժամանակ, հայտնում է BBC-ն։
Հաղորդվում է նաև խաղաղ բնակիչների նկատմամբ զանգվածային հաշվեհարդարի դեպքերի մասին։ ՄԱԿ-ի մարդու իրավունքների հարցերով գերագույն հանձնակատարի գրասենյակի տվյալով՝ ԴԱԻՇ-ի զինյալները սպանել են 232 խաղաղ բնակչի, ներառյալ՝ Իրաքի անվտանգության ծառայությունների նախկին 190 աշխատակցի, որոնք հրաժարվել էին միանալ ԴԱԻՇ-ի շարքերին։
