«Գազպրոմը» 10%-ով կավելացնի գազամատակարարումը Թուրքիային
Թուրքիան խնդրել է «Գազպրոմ» ընկերությանն ավելացնել գազի մատակարարումների ծավալը Ռուսաստանից, հայտնել են ընկերության մամուլի ծառայությունից։
«Թուրքական կողմը դիմել է «Գազպրոմին»՝ խնդրելով ավելացնել Ռուսաստանից գազամատակարարման ծավալները։ Հոկտեմբերի 28-ի հայտն ավելացել է 9,3%-ով՝ մինչև 82.1 միլիոն խմ գազ օրական»,- ասվում է հաղորդագրության մեջ։
«Գազպրոմը» հայտարարել է, որ պատրաստ է իրականացնել հայտը լիարժեք ծավալով։
