ԱՄՆ-ում արհեստական ինտելեկտով զենք են ստեղծել
Ամերիկացի զինվորականներն աշխատում են արհեստական ինտելեկտով զենքի ստեղծման վրա, գրում է The New York Times-ը։
Մասնավորապես, գիտնականները կարողացել են անօդաչու թռչող սարքին սովորեցնել որոնել և հայտնաբերել հակառակորդի մարտիկներին։
Բացի այդ՝ Պենտագոնը մշակում է ռոբոտացված կործանիչներ և անօդաչու նավեր, որոնք ի վիճակի են հայտնաբերել և ոչնչացնել ստորջրյա նավերը։
Պարբերականը հայտնում է, որ փորձարկման փուլն արդեն անցել են հրթիռները, որոնք ինքնուրույն որոնում են թիրախը և ռոբոտ-նավերը։
Տվյալ սպառազինություններով Վաշինգտոնը մտադիր է պահպանել ռազմական գերազանցությունը Չինաստանի և Ռուսաստանի նկատմամբ։
Նման սպառազինության ծրագրի մշակման համար հատկացվել է 18 մլրդ դոլար։
