Արմեն Աշոտյանը չի ուզում հավատալ. «168 Ժամ»
Մամուլում վերջերս ժամանակ առ ժամանակ հրապարակումներ են լինում ՀՀ Կրթության և գիտության (ԿԳ) նախկին նախարար Արմեն Աշոտյանի պաշտոնավարման տարիների վերաբերյալ։ Շրջանառվող լուրերի համաձայն` ներկայիս նախարար Լևոն Մկրտչյանի և Արմեն Աշոտյանի հարաբերություններն այնքան էլ լավ չեն, և մամուլում Աշոտյանի պաշտոնավարման շրջանի նյութերը հայտնվում են ԿԳՆ-ի կողմից։
«168 Ժամ» թերթի հետ զրույցում Արմեն Աշոտյանն այս առնչությամբ ասել է. «ԿԳ նախարարի պաշտոնից դուրս գալու պահից հայտարարել եմ, որ կրթության և գիտության ոլորտներին հրապարակայնորեն չեմ անդրադառնալու։ Այս մոտեցումը դեռ ուժի մեջ է։ Ինչ վերաբերում է նման խոսակցություններին, ապա չեմ ցանկանում այս փուլում դրանց հավատալ, քանի որ նման գործելաոճը ԿԳ ներկայիս վարչակազմի կողմից սխալ կլիներ թե՛ բովանդակային, թե՛ քաղաքական, թե՛ մարդկային առումներով»։
