Թուրքիան ակնկալում է, որ «Թուրքական հոսքի» կառուցման աշխատանքները կմեկնարկեն 2017թ. սկզբին
Անկարան ակնկալում է, որ «Թուրքական հոսք» գազամուղի շինարարության աշխատանքները կմեկնարկեն 2017 թվականի առաջին ամիսներին: Այդ մասին հայտարարել է Թուրքիայի էներգետիկայի և բնական պաշարների նախարար Բերաթ Ալբայրաքը։
««Թուրքական հոսք»-ը կարևոր նախագիծ է մեր էներգետիկ քաղաքականության համար: 2019 թվականին Ռուսաստանի և Ուկրաինայի միջև գազի տարանցման պայմանագիրն ավարտվում է, և Ռուսաստանը նոր նախագիծ է սկսել: Գազի մատակարարումների դիվերսիֆիկացման տեսանկյունից՝ նախագիծը դրական ազդեցություն կունենա մեր էներգետիկ քաղաքականության վրա:
Ակնկալում ենք, որ գազամուղի կառուցումը կսկսվի արդեն 2017 թվականի սկզբին։ Մենք խոչընդոտներ չենք տեսնում, որ դա ավարտվի 2019թ., ինչպես պլանավորվում էր»,- հայտարարել է Ալբայրաքը թուրքական Anadolu գործակալությանը տված հարցազրույցում:
