ՄԱԿ-ը հայտնել է Մոսուլում ջիհադիստների դաժանությունների մասին
ՄԱԿ-ը հաղորդագրություններ է տարածել այն մասին, որ ԴԱԻՇ ահաբեկչական խմբավորումը Մոսուլի շրջանում հաշվեհարդար է տեսնում խաղաղ բնակիչների նկատմամբ, հայտնում է BBC-ի ռուսական ծառայությունը:
Ծայրահեղականների դաժանությունների մասին հաղորդագրություններն ստացել է ՄԱԿ-ի մարդու իրավունքների հարցով հանձնակատարի վարչությունը: Ահաբեկիչների զոհերի թվում կան երեխաներ:
Այսպես, հաղորդվում է, որ Սաֆինա գյուղում սպանվել է 15 խաղաղ բնակիչ, իսկ նրանց մարմինները նետվել են գետը:
Մեկ այլ դեպքում 6 խաղաղ բնակչի կապել են ավտոմեքենայից և քարշ տվել փողոցներով:
Հաղորդվում է, որ նոր տեղեկություններ են ստացվում այն մասին, որ ահաբեկիչները խաղաղ բնակիչներին օգտագործում են որպես կենդանի վահան:
