Ավստրալիայում ոսկեզօծել են ծառի մեջ մխրճված ավտոմեքենան
Մելբուռնում ծառի մեջ մխրճված Toyota Camry-ն պատել են ոսկեգույն ներկով եւ վերածել արտ-օբյեկտի, հաղորդում է Vice-ը:
Վթարն ավստրալական քաղաքում տեղի է ունեցել դեռ հոկտեմբերի 16-ին: Վարորդը փախել է՝ բանալիները թողնելով վառոցքի փականում: Մեկ շաբաթ անց անհայտ նկարիչը ոսկեզօծել է Toyota-ն եւ այն վերածել ժողովրդականություն վայելող տեսարժան վայրի:
Տեղի իշխանությունները դեռեւս չեն տարհանել ավտոմեքենան: Այդպես էլ չի հաջողվել պարզել, ով է դրա տերը:
