«Մերկ Թրամփը» 22 հազար դոլարով վաճառվել է Լոս Անջելեսի աճուրդում
Հանրապետական կուսակցությունից ԱՄՆ-ի նախագահի պաշտոնի թեկնածու Դոնալդ Թրամփին մերկ վիճակում պատկերող բնական մեծությամբ արձանը 22 հազար դոլարով վաճառվել է Լոս Անջելեսում կայացած աճուրդում: Այդ մասին հայտնել է CBS Los Angeles հեռուստաալիքը:
Julien”s Auctions աճուրդի կազմակերպիչների խոսքով՝ նկարիչների INDECLINE ընկերության արձանը «ամենաքննարկվող իրերից մեկն է դարձել աճուրդում»: Ավելի վաղ տեղեկացվել է, որ INDECLINE-ը համանման արձաններ է տեղադրել Նյու Յորքի, Լոս Անջելեսի, Սան Ֆրանցիսկոյի, Քլիվլենդի եւ Սիեթլի հանրային վայրերում:
Հեռուստաալիքի տվյալներով՝ մերկ Դոնալդ Թրամփի արձանի համար ստացված գումարը գերազանցել է նախնական գնահատումները:
Սպասվում է, որ փողի մի մասը կփոխանցվի Ներգաղթի ազգային ֆորումին, որն աջակցություն է ցուցաբերում միգրանտներին, հաղորդել է ՌԻԱ Նովոստին:
