Ալիևի օգնականն ու Չավուշօղլուն քննարկել են երկու երկրների ռազմավարական համագործակցության հարցերը

Ադրբեջանի նախագահի հասարակական-քաղաքական հարցերով խորհրդական Ալի Հասանովը մեկնել է Թուրքիա, հայտնում է ադրբեջանական APA գործակալությունը։

Այցի շրջանակներում կայացել է Հասանովի հանդիպումը Թուրքիայի արտգործնախարար Մևլյութ Չավուշօղլուի հետ։

Հանդիպմանը կողմերը կարծիքներ են փոխանակել մի շարք հարցերի վերաբերյալ, այդ թվում՝ հասարակական-քաղաքական կապերի։

Նշվում է, որ ուշադրություն է դարձվել թուրքական և ադրբեջանական համայնքների համատեղ ու կազմակերպված գործունեության նոր ռազմավարության մշակմանը։
Քննարկվել է Թուրքիայի և Ադրբեջանի միջև ռազմավարական համագործակցությունը նոր մակարդակի բարձրացնելու հարցը։